هل يحاسب؟؟؟

فى الأيام الماضيه راودتنى بعض الأفكار وبدأت تأخذ مكانها فى فكرى

وكالعاده لم أتركها تمر دون تحليل فجعلت من الاسبوع السابق ورشة تحقيق

تم فيها الاختلاط المباشر بالناس_مختلفى الطبقات_الثقافه_التفكير_العادات

وكانت أعمارهم مابين 19-22 عام.

كنت أذوب بداخلهم وأشاركهم الحديث لاأعرف كيف...طرحت عليهم بهض

الأسئله التى غالبا مع السؤال الخامس منها تكون قد توقعت اجابتهم على السؤال.

من مده قريبه التقيت ببنت ليست مسلمه ولكنها تحمل بعض الصفات الرائعه

رائعه حقا_فحزنت كثيرا وتمنيت لو كانت مسلمه ودعيت لها.

كانت هذه البنت تتحدث عن دينها بكل فخر وحب وتتمنى فعل الكثير من أجله

حتى أنها تفعل مع الاطفال الصغار بشارعها مثلما نفعل نحن مع الزهرات.

كنت أتابعها وهى تتحدث ودار أمام عينى شريط تنشئتها منذ أن كانت طفله

ورأيت أباها وهو يعلمها دينها ويؤكد عليها ان تظل متمسكه بهذا الدين ورأيت

والدتها وهى ممسكه بيدها ليذهبوا لمكان عبادتهم سويا_الأب والأم وهما القدوه

ودائما مصدر الثقه_ثم رأيتها تكبر وقد اقتنعت تماما بأنها على حق

فمن شب على شىء شاب عليه_تركت موضوعها جانبا...

انصرفت لأختلط باخوانى المسلمين لأرى مالذى جعل أختى لاترتدى حجابها

وأخرى لا تغض بصرها وأخرى ليس لها هدف وأخرى.....وأخرى.....

عملت دراسه بسيطه خرجت منها أن نسبة 70% ممن يفعلن أفعال خاطئه منافيه

للدين أو للمجتمع...السبب الرئيسى لذلك هى التربيه والتنشئه الخاطئه..

جرب تكلم بنت عن الاختلاط وعرفها انه مش من ديننا واسمع ممكن تقول ايه؟؟

احيانا ممكن تفاجأ بإنها بتقولك اذا كان بابا عارف!!!!

وهكذا رايت بنت غير محجبه...

رأيت بنت مستهتره....

شاب لايتق الله ولايخافه..

ايا كان من الصفات السلبيه...

أنا بقى بقول ده كله ليه؟؟؟؟؟؟؟؟؟؟؟؟

عشان اعرف تقديرك هيكون ايه للشخصيات دى ... هل ستحكم عليها

بالشخصيات التافهه وتساويهم بغيرهم ممن نالوا فرص أفضل وتربيه

أفضل واَضاعوها؟؟؟؟

هو ده محور موضوعى...

هناك شخصيات كثيره فى مجتمعنا يتصرفوا تصرفات كثيره ليس لهم يد فيها..

هم تربوا على ذلك واقتنعوا من صغرهم أنه الأصح.

وبعد ذلك

بعد تربية المجتمع والبيئه والأسره....هل يحاسب الانسان من قبل افراد المجتمع؟؟؟

أم يفترض عليهم اصلاحه؟؟؟؟؟؟؟

هل يحاااااسب؟؟؟؟

صور رحلتى لمطروح

من اسبوعين ذهبت لمطروح وكانت رحله

من أجمل الرحلات التى ذهبت اليها ... ليس فقط لروعة المنظر

وانما لاشياء اخرى كثيره...

فقط سأترككم مع الصور..

وتأملوا انتم فى خلق الله...والله لو ذهبتم مايكفيكم خمس ساعات تفكر فى هذه المناظر يوميا.
تحديث:

ركزوا فى الميه شويه هتلاقوا كل منطقه بلون وفى جزء فى النص مايل لونه للأخضر



ده أول نظره للبحر أول يوم

كان نفسى اطلع هناك على الصخره دى (واء واء) عمو مرضيش

شوفوا نحت المياه للصخره(سبحان الله)

الصخره دى كانت بعيده أوى وانا كنت واقفه على واحده زيها
والحمد لله موجه جت وقعتنى على الارض واتغرقت ميه
وكويس انى مغرقتش ووقعت تحت فى الميه.
وقتها تذكرت كلام عمى اللى قاله واحنا قاعدين على شاطىء تانى
ان ممكن موجه تيجى حالا وتغرقنا جميعا رغم اننا كنا بعيد عن الشاطىء.
فتسائلت حماس ابنة عمى .. ومشهنلحق نجرى يابابا قالها لأ.
انا كمان ملحقتش اجرى والحمد لله مكانش حد على الشاطىء غيرنا

ناس نشيطه بقى رايحين الساعه 7 صباحا.

اكتفيت بالصعود الى هنا فقط

ده البحر من النص
حلوه البحر من النص دى مش كده

وده من اليمين
الكاميرا ماخدتش كل البحر
كل منطقه فيه بشكل مختلف

شفتوا محدش هنا خالص احنا بس كنا نازلين من على السلالم

الموج اللى بيخبط فى الصخره دى ارتفاعه بيصل ل3 متر قبل مايوصل للشاطىء

ده بقى من بره والبحر على اليمين





شوفوا بقى الحاجه اللى جايه دى

الشمس والقمر فى وقت واحد الظهر

وحياة والدكم متجربوش فينا

وحياة والدكم متجربوش فينا

من كام يوم خرج علينا الدكتور حمدى السيد نقيب الاطباء ممثلا للنقابه

محذرا من دخول الطلبه كلية الطب والصيدله ودعوتهم بتخفيض اعداد المقبولين

بكليات الطب حتى تتاح الفرصه لتدريبهم جيدا..
http://www.youm7.com/News.asp?NewsID=120314

لا اعترض ولكن:::::

هل بعد أن يتم تخفيض الاعداد سيتم تخريج دفعات مؤهله فعلا؟؟؟؟؟؟

واذا كان الحل هو تخفيض الاعداد فلماذا لانرى الجوده والخريجين المؤهلين

فى الجامعات الحكوميه والكليات ذات العدد المنخفض؟؟؟؟

كل عام يضاف الى صفوف العاطلين الخريجين الجدد..

فما الجديد الذى سوف تقومون به؟؟؟؟؟؟؟؟

هل ستقومون بحل افضل كانتاج اعلان جديد يسابق الاعلان المستفز:::

الحق القطر قبل مايفوتك؟؟؟

اصبح عادى جدا فى هذه البلد أن نتحدث عن البطاله ويكأنها أمر طبيعى

أو ظاهره طبيعيه أو بلاء من الله ليس لنا دخل به مثلا قائمة الانفلونزا المنتشره حاليا.

فنجد من يقول أن كليات القمه ليست بجدوى الآن لعدم وجود فرص التدريب الجيد.

وآخر يحدثنا وجها لوجه بدون كسوف أن البطاله امر طبيعى ولابد أن نتأقلم عليه

ونعمل بمهنه أخرى لاتناسب مؤهلنا ولاتمت له بصله.

والغريب انك تسمع هذا الكلام من المسئولين نفسهم..

(((ياأخى طب خلى الطابق مستور...بكل ثقه يعملوا اعلان فى التليفزيون تدعو

للعمل قبل فوات الأوان...وانت وحظك بقى ياخريج الهندسه او الطب او التجاره أو

أى كليه ..ياتلحق يامتلحقش ... يالا الحق القطر واشتغل فى اى مصنع وسيبك من العلم

اللى درسته))))))))

ياحكومه.....

اذا كانت الاعداد هى السبب...معاكم فى تقليلها

بس وحياة والدكم متعدوش تجربوا فينا..

رغم انى واثقه انه فى النهايه مشكلة الاعداد هتنتهى وندخل فى مشكلة المناهج وبعدين

فى مشكلة الدكاتره .. ابقوا اعملولهم كادر هما كمان!!!!

ثم ثم ثم ثم....... وموال مشهينتهى

عارفين ليه؟؟؟

عشان مفيش نيه صادقه للاصلاح...

الحمد لك ياربى

السلام عليكم ورحمة الله
عايزه أقول اربع حاجات بس قبل أما اقولهم هقول :: الحمد لله
الاسوع ده حافل بالمفاجآت

أولا: بفضل الله نجحت السنه دى .....ده أول خبر
ثانيا:اللى كان متابع معايا الموضوع ده ودعالى فيه
http://3zzyemany.blogspot.com/2009/02/blog-post.html
الحمد لله ربنا كرمنى فيه كرم كبير أوى مش استحقه شكرا لكل اللى دعالى.

ثالثا:مسافره مطروح محدش عاوز حاجه من هناك؟؟
ليه بس مشعاوزين..يالا براحتكم بقى.

رابعا: معلش لكل اللى بيدخل يلاقى المدونه لونها اسمر ان شاء الله لما ارجع هغيرها.
مع ان لونها جميل أوى بس هو تقريبا مبتكملش تحميل عند معظم الناس.
أستودعكم الله

التلذذ بحرمان الآخرين

الحريه الخاطئه ...واستغلال المسئوليه

ألم تروا معى أن الاستخدام الخاطىء للحريه وأيضا الحقوق وبالتالى المسئوليه أصبح متداول..

الا تجدوا كثيرا من يستمتعون ويتلذذون بتعذيب الآخرين وحرمانهم من حقوقهم؟

ليس لشىء أكثر من أن يشعر بنفسه مسئولا عن شىء.

يعنى رجوله ظاهريه مثلا.

قد يتسائل البعض ماعلاقة المسئوليه بالحريه؟؟؟؟؟

يقول أحد الكتاب....(لامعنى للحريه بدون مسئوليه ولاوجود للمسئوليه بدون حريه)

تلك المسئوليه تعطى صاحبها حقوق كثيره سواء كانت

من خلال المجتمع أو القانون أو بحكم الواقع...فى النهايه أنت تمتلك تلك الحقوق.

لاتستهتر

أنت ربما تكون مسئولا فى بلدك عن وطنك وشعبك

مسئولا فى مدرستك عن تلاميذك

مسئولا فى بيتك عن زوجتك

مسئولا فى بيتك عن اختك

مسئولا فى دعوتك عن اخوانك

مسئولا فى عملك عن العمال

العواقب المبدئيه للاستخدام الخاطىء للحريه واستغلال المسئوليه:

أولا:ظلم كبير لمن أنت مسئول عنهم سيحاسبك الله عز وجل عليه ومن ثك يتدرج منه القهر النفسى

ثانيا:تأخر التقدم والانجاز فى الاهداف التى تسعون لتحقيقها

ثالثا:توليد الكراهيه والعنف وتثبيت انطباع سىء عنك فى اذهانهم

رابعا: قد يتحول الأمر عند بعض ضعفاء النفوس إلى نفاقك حتى يكسبوا ودك.

اعلم أنه لاتوجد حريه موافقه لشرع المولى عز وجل تعطيك

الحق بأن تتصرف وتتحكم فى مصير الآخرين وتحرمهم

من حقوقهم وإن توافرت تلك الحريه فأنت التى تستخدمها

بطريقه خاطئه وستحاسب على ذلك.

وفى النهايه لاتنسى واحذر

دعوة المظلووووووووووووووووم ومسائلة الله سبحانه وتعالى

دمتم بخير

ـــــــــــــــــــــــــــــــــــــــــــــــــــــــ

أرجو المجاوبه على الاستبيان

المدونه لونها اصفر او بيج بعد التحميل

والكثير اشتكى انها لونها اسمر

ارجو الافاده