اتشطبت من الاتحاد لحسن السير والسلوك

امتلأت الاسبوع السابق ساحات الجامعه بأوراق دعوه لترشيح لاتحاد الطلاب

وأول ماسمعنا الخبر انفرجت أساريرنا وطرنا فرحا ...ليه بقى؟؟؟ عشان بس

عرفنا ميعاد الترشيح للاتحاد...امال لو اترشحنا هنعمل ايه..نموت من الفرحه؟؟

المهم اتلخبطنا ودوخنا عشان نجهز الطلبات اللى المفروض تكون جاهزه وقت

الترشيح..صورتين ودمغه مشموجوده فى الكليه اصلا ورحنا كليه تانيه نجيبها

ووصل المصاريف واللى موظف الشئون مشراضى يسجله...المهم أتمم

البعض أوراقه وأنجزها وأصبحت جاهزه بعد عناااااء وتعب وترك محاضرات

عشان تخلص..

وجه اليوم اللى كلنا مستنيينه......عاوزين طلبات الترشيح...

كتبنا المعلومات المطلوبه واستلمنا طلبات الترشيح ... وكل هذا فى ظل تواجد

رجال الأمن...الحمد لله مسبوناش لحظه منتظرين طوال الوقت أمام باب رعاية الشباب.

المهم ملينا الورق ورحنا عشان نختمه من الشئون.الموظف يرفض ويقول لازم موظف

رعاية الشباب يمضى الاول ... نذهب لرعاية الشباب:لأ مش لازم روحوا انتو بس واحنا

هنكلمه...وأخذنا الكليه ذهابا وإيابا حاملين رسالات من وإلى موظفى الشئون والرعايه..

وبفضل الله وصل المدير وقالهم امضولهم الورق....اللى يضحك بقى ان الموظفين مشعارفين

يختموا فين ولاعارفين الورق بيخلص ازاى..(شىء طبيعى ماهو الأمر غريب عليهم

مشمتعودين على استمارات ترشيح لاتحاد الطلاب...مبتمرش عليهم كتير ويمكن سنين)

وختمنا الورق ووديناه الرعايه وأخدنا نفس عميق من الروتين الحكومى الممل ...

ثم ملأنا الأمل لمدة يومين لحين ظهور النتيجه يوم الأحد....

-لوسمحت ممكن اشوف قوائم الترشيح؟؟؟(هى المفروض تتعلق أصلا)

-لا مشدلوقتى خاااالص تعالى آخر النهار.
-طب أنا حضرتك هخلص بدرى.
-خلاص انا اعمل ايه.
-وصلت القوائم الحمد لله وشفناها الساعه واحده...وصلت القوائم منين بقى؟؟؟؟ متعرفش

طب بقية القوائم موصلتش معاها ليه؟؟؟متعرفش...لاعليها ختم ولا عليها امضاء ولا شىء

ورق مكتوب بخط الايد (بينى وبينكم يعنى خط عمو وعمو اللى كانوا قاعدين قدام باب الرعايه

يوم الترشيح...أصل انا شفتهم تانى يوم وهما بيطبخوها)

انا بقى قريت الورق وجالى هيستريا ضحك .... فيما يقرب من 6 ورقات

كلهم غير مقبول ...لم يسدد المصروفات...لايمارس النشاط (من كتر الكلمه ماهى متكرره

مبيكتبهاش... فى كل اسم كاتبها مره واحده فوق وبعد كده كل الصفح علامة تكرااار)

ولو دورت هتلاقى فى ناس دافعه المصروفات ومكتوب قدامها لايسدد

طب ازاى قبلوا منه الورق من غير وصل مصاريف أصلا؟؟؟؟ حاجه تجنن

وفى ناس عندها نشاط وبرده اسمهم من الممنوعين....طب وبعدين ايه الحل؟؟؟

سألت سؤال واحد بس .. أنا ليه اسمى مشموجود واترفض ليه؟؟؟؟

لسه واحد حب يرد عليه قام قاطعه واحد تانى وقاله بص ياعم أنا عارفها دى بشمهندسه

ومشهتعرف ترضيها بكلمتين ولاتلف عليها...من الآخر يابشمهندسه الجامعه مشعاوزاكم..

وبعد فترة نقاش كاد فيها الموظف أن يخرج عن اللوائح ويتعاطف معنا...قاللى

من الآخر احنا ملناش ذنب اذا كان مخترناش الريس ولا اعضاء مجلس الشعب...

سيبكم بقى من اللى فوق ده كله............

الجامعه مشعاوزه طلاب محترمين مؤدبين؟؟؟

بيخدموا الطلاب والطالبات والكل يشهد بأنهم الأكثر تواجدا والأكثر خدمه لهم

ده ان افتكروا اساسا ان فى حد غيرهم اللى بيخدمهم...وبدون مقابل فقط لوجه لله..

الجامعه مشعاوزه طلاب واعيين مثقفين؟؟؟

بأى حق الجامعه متعوزناش أساسا...بصفة انها صوت الطالب؟؟؟

ولابصفة ان اللى بيدلى صوته فى الانتخابات هو الأمن وليس الطلاب؟؟؟

يرضى من أن يضعوا قوانين ولوائح تعجيزيه لكل من يريد أن يترشح للاتحاد

ويسهلوا الأمور لمن يريدون هم؟؟؟؟

أمن طرق تربية الطلاب فى الجامعه كبت الطموح وكبت الحريات ودفن المواهب؟؟؟؟

لا ولم يقف الأمر عند ذلك فلابد أن يلى ذلك إلغاء الهويه وسحب رخصة الدين من كل شى

وقتل الشخصيه والانتماء والانسياق والتسلق وراء الآخرين..

أهذا ماتريد جامعتنا أن تربيه فى الطلاب؟؟؟؟؟

أم أن المصلحه الشخصيه أصبحت غالبه على مصلحة البلاد وانحرقوا الطلاب؟؟؟؟

كيف تريد من طلاب لم يتربوا على حرية الرأى والتعبير وتقبل الرأى المخالف أن يقودوا أمه؟؟؟

أن يُطلق عليهم (شباب المستقبل)؟؟؟

بتربى الطالب على الديكتاتوريه وان راى اللى أعلى منه هو اللى هيمشى.

ازاى عاوزه يربى ولاده على الديموقراطيه بعد كده .....

وخد عندك بقى جيل ملوش شخصيه مبيتحملش مسئوليه وسميه أمل الأمه..!!!!!

لما ندخل الكليه ونقضى فيها خمس سنين ومنحققش فيها طموحنا ومنستغلش فيها طاقاتنا

هنستغلها فيييييين؟؟؟؟؟وامتى؟؟؟؟؟؟

هتجيب وقت فاضى منين وقوه وشباب زى الفتره دى؟؟؟؟

بجد..

حسبى الله ونعم الوكيل
آيه تريح كل مظلوم...
قال تعالى:
إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا" الكهف :29
صدق الله العظيم

فقط بقى عشره

من أسبوع مر على يوم شبيه باليوم لذى وُلدت فيه ولم

يسعفنى الوقت لأكتب موضوعى عنه إلا الآن....

أغرب مافى الموضوع أنى لم أكن سعيده كما تخيل كل

الناس اللى كلمونى_ رغم أنه أول مره يحدثنى كل هؤلاء الناس

فقد اتممت عشرون عاما..

رقم جميل مشكده؟؟؟؟

لم أكن سعيده ......ليس تخوفاً من ذلك السؤال الشهير عندما يسألك أحد عن

سنك فتقولى 20 عاما..

فيسأل: عشرين عشرين ؟؟؟ ولا عشرين من بتاع البنات؟؟؟؟؟؟؟

ولا خوفا من مرور تلك السنوات القليله القادمه ثم تدخل فى

الثلاثين..

إنما لأنه انقضى من عمرى الحقيقى 4 أعوام...

من بعد سن 16 عام حتى الآن انقضى 4 أعوام من فترة الشباب الفعليه

ماذا فعلت فيهم وماذا قدمت وهل انجزت وماذا اهدرت وهلى سأقضى العشره

القادمه ايضا بنفس البطء الذى قضيت به الاربعة اعوام الماضيه..

فى هذا اليوم كانت هناك كلمه تتردد فى ذهنى دائما:

لم يبقى إلا عشرة أعوام_انقضى اربعه انقضى اربعه.

وذهبت الى كتبى الدراسيه والثقافيه ونظرت اليها وظللت ابكى...

اهذا هو العدد فقط؟؟؟؟

وتسلل الى نفسى بعض اليأس عن أن احقق شىء عظيم فى فترة شبابى

مثل الامام العظيم حسن البنا..ولكن سرعان ماسترددت قوتى

وعزمت على حياه أفضل وعزيمه أقوى..

أسألكم الدعاء...

ولينظر كل منا كم بقى له 10 أم 5 أعوام أم سنه واحده؟؟؟؟

تحديث:

على فكره انا اتبسطت فى اليوم ده كتير

كنت اقصد ان كنت مبسوطه عشان الناس اللى سمعت

صوتهم والناس اللى شفتهم والجو الجميل اللى عملوه

مش عشان اتممت عشرين سنه..

لحسن الناس يفتكروا ان اليوم كان حزين_أنا فقط اسرد

النقاط الهامه.


أشكركم

دمتم بخير

المفترض والمفروض

يفتقد الناس التعايش مع المفترض وليس المفروض علينا

لتوضيح أكثر...
ــــــــــــــــــــــ

لفت نظرى الفتره الأخيره بشده إعجاب الناس بأشياء طبيعيه جدا

وإنما هى بالنسبه لهم عظيمه..

هى ليست طبيعيه بالنسبه لى إنما طبيعيه بالنسبه للمفترض

وربما تكون أقل منه وسأحدد من أين يأتى المفترض...
ــــــــــــــــــــــــــــــــ

الواقع الآن أصبح يفرض على بعض الناس طبيعة حياتهم

واعتقادتهم....

لم أعد أرى احد متمسك بما يعتقد حسب المفترض ولاينزلق

تبعا لقاعدة التنازلات التى تبدأ بتنازل واحد ....إلا قليلا...

وغالبا مايكونوا ذو توجهات فكريه ... أكيد عظيمه ولكنه فى

النهايه هناك تحجيم وربما يكون هو سبب من الاسباب التى

جعلتهم يحافظون على معتقداتهم.

إما أرى من يفهمون ويعون جيدا وإما أرى من لايفقهون

أى شىء فى أى شىء..

من يريد أن يفهم ويبحث فهو يندرج تحت قائمة من يفهمون

ويعون جيدا حتى وإن لم يكن بحافظة معلوماته سوى اشياء

قليله.

يتواجد الجزء الذى فى المنتصف فى المجتمع. ولكنه على الطريق

إلى النوع الثانى وأيضا بفعل المفروض الذى له مفعول السحر فى هذه الأيام.

طرحت فكرتى هذه كثيرا ولكن فى مواضيع مختلفه ولا أعتقد أنى سئمت من

طرحها ثانيه...... فطبيعة علاقتك بالناس والمجتمع تفرض عليك كل لحظه

أن تفهم ماذا يحدث وماذا يدور وعلى ماذا هم يحكمون.

حتى تعرف على اى اساس ينطلق حكمهم وعلى اى سبب يخرج نقدهم

وبأى شكل تُقدم نصيحهتم وإلى أى مدى تكون صحتها.
ــــــــــــــــــــــــــــــــــ
أحب أن أنوه عن شىء خطير.

وهو التعود.....

فى البدايه ربما يكون هناك أمر غريب وليس من المفترض إنما

هو من المفروص... ويتم استغرابه من كل الناس خلال وقت معين

وغالبا مايكون قصير....وبعد فتره لايصبح الأمر شاذاً.... إنما يصبح

الطبيعى_كثير من الناس يرفضون فعله ولكنهم لم يعدوا ينظروا

اليه بنظرة الاستغراب.

أنا أرى أن هناك مخطط لهذا...لست بصدد التعريف بأشخاص ورائه الآن

ولكنهم يعون جيدا أن الناس عندنا مذبذبين بفعل مايروه فى المجتمع وبفعل

ثقافة ال ششششششششششششش التى تشوش على أى شىء سليم

وللأسف يميل الناس الى تصديق تلك الثقافه..

أحيانا عن عدم اقتناع وأحيانا عن تصديق فعلى..

وذلك لأن هذا الطريق..طريق مفروش بالورود ليس فيه مخاطر

أو بمعنى اصح مفيش خطر على من يسلم بتلك الثقافه.

فترى من السهل جدا أن يميل الناس لها ولايحاولوا مره واحده حتى

التفكير فى الجانب الآخر _ لأنهم بمجرد التذكر فقط يرون المآسى

والتعذب والخطر والحرمان ..

ونسوا أن طريقهم الوردى كله ورود صناعيه ليس لها فائده ولارائحه

ولا ثواااااب..

عماهم هذا الطريق على أن ينظروا للطريق الآخر

الذى تملأه الأشواك كما يرون....هم ينظروا له دون أن يرون

ناظرة السائرين عليه ...

فهو طريق وردى أيضا ولكن ألم أشواكه ألذ من السعاده

ولدغ نحل وروده اشفى من امتلاك المستشفيات لحسابك.

طريق ملىء بالراحه والطمانينيه والحماس والحب.

وهذا الطريق هو بأقرب وصف...كل طريق يطبق المفترض.

وليس حجر على أحد ولا على جماعه..
ــــــــــــــــــــــــــــــــــــــــــ
أتمنى أن أرى مجتمعا ينظر بعين منصفه ويتفحص الطريق الآخر

بكل محتوياته والسائرين عليه وينسى لفتره وجيزه تلك الثقافه السابقه.

فهناك خطر عظيم إذا ظلوا بهذه الطريقه...

فهؤلاء هم الذين يدعمون الشباب وهم الذين ينقدون وهم أيضا الذين

يشجعون ومن حقهم الأكبر أن يمنعون.. فهم الآباء والأمهات والمدرسين

والعلماء وهم القدوه الحقيقيه..فينبغى أن يعوا جيدا حتى يساعدوا الجيل

الصاعد على الفهم الحقيقى...
ــــــــــــــــــــــــــــــــــــــــــ
فلنضرب مثالا بسيطا..

لايصح أبدا أن تجد هناك شابا مهتم جدا بالعلم وله عقليه مستنيره ومهتم

بالبحث والعلم ويقضى معظم أوقاته فى التعلم وتوجه له واااابل من

الكلمات:

يعنى انت هتغير الدنيا _ يابنى اللى فى سنك بيمرح ويلعب

ليه الانشغال ده كله _ ازاى يكون عندك 20 سنه وبتفكر كده

انت كده هتتعب.

لماذا كل هذه التعليقات ألم يسمعوا أن سيدنا على ابن أبى طالب

كان يقابل الوفود التى تأتى للحج ويستضيف من يحس منه رغبه فى الدخول

فى الاسلام ويوصله للنبى (ص) دون ان تعلم قريش وهو فى الرابعة عشر من عمره؟؟؟؟

اسامه بن زيد الذى كان قائدا على جيش به كبار الصحابه لقتال الروم

وهو يبلغ من العمر ثمانية عشرعاما

زيدأبن ثابت

الذى جمع القرآن بنجاح ر وهو فى الثانيه و العشرون من عمره؟؟؟

مصعب بن عمير

أول سفير للاسلام ليدعوهم للاسلام ويعلم الناس الدين وهو فى الثانيه و العشرون من عمره؟؟؟

هؤلاء السابقين كم عمرهم؟؟؟؟

وكيف كان زمانهم؟؟؟؟

انهم نجحوا لأنهم كانوا يتعاملوا مع المفترض وليس المفروض....

وحتى ننجح علينا ايضا كذلك.



المفترض :: هو ما مفترض أن يكون فى المجتمع من قيم وأوامر الاسلام وبعض

تقاليد المجتمع المقبوله.

أما المفروض فهو مافُرض علينا عُنوة سواء من تلك الثقافه السابقه أو من

خلال الاستخدام الخاطىء للعولمه أو حتى وللأسف من اعلامنا المصرى.

__

ربما تكون هناك أشياء غامضه فعذرا

أشكركم

دمتم بود

هل يحاسب؟؟؟

فى الأيام الماضيه راودتنى بعض الأفكار وبدأت تأخذ مكانها فى فكرى

وكالعاده لم أتركها تمر دون تحليل فجعلت من الاسبوع السابق ورشة تحقيق

تم فيها الاختلاط المباشر بالناس_مختلفى الطبقات_الثقافه_التفكير_العادات

وكانت أعمارهم مابين 19-22 عام.

كنت أذوب بداخلهم وأشاركهم الحديث لاأعرف كيف...طرحت عليهم بهض

الأسئله التى غالبا مع السؤال الخامس منها تكون قد توقعت اجابتهم على السؤال.

من مده قريبه التقيت ببنت ليست مسلمه ولكنها تحمل بعض الصفات الرائعه

رائعه حقا_فحزنت كثيرا وتمنيت لو كانت مسلمه ودعيت لها.

كانت هذه البنت تتحدث عن دينها بكل فخر وحب وتتمنى فعل الكثير من أجله

حتى أنها تفعل مع الاطفال الصغار بشارعها مثلما نفعل نحن مع الزهرات.

كنت أتابعها وهى تتحدث ودار أمام عينى شريط تنشئتها منذ أن كانت طفله

ورأيت أباها وهو يعلمها دينها ويؤكد عليها ان تظل متمسكه بهذا الدين ورأيت

والدتها وهى ممسكه بيدها ليذهبوا لمكان عبادتهم سويا_الأب والأم وهما القدوه

ودائما مصدر الثقه_ثم رأيتها تكبر وقد اقتنعت تماما بأنها على حق

فمن شب على شىء شاب عليه_تركت موضوعها جانبا...

انصرفت لأختلط باخوانى المسلمين لأرى مالذى جعل أختى لاترتدى حجابها

وأخرى لا تغض بصرها وأخرى ليس لها هدف وأخرى.....وأخرى.....

عملت دراسه بسيطه خرجت منها أن نسبة 70% ممن يفعلن أفعال خاطئه منافيه

للدين أو للمجتمع...السبب الرئيسى لذلك هى التربيه والتنشئه الخاطئه..

جرب تكلم بنت عن الاختلاط وعرفها انه مش من ديننا واسمع ممكن تقول ايه؟؟

احيانا ممكن تفاجأ بإنها بتقولك اذا كان بابا عارف!!!!

وهكذا رايت بنت غير محجبه...

رأيت بنت مستهتره....

شاب لايتق الله ولايخافه..

ايا كان من الصفات السلبيه...

أنا بقى بقول ده كله ليه؟؟؟؟؟؟؟؟؟؟؟؟

عشان اعرف تقديرك هيكون ايه للشخصيات دى ... هل ستحكم عليها

بالشخصيات التافهه وتساويهم بغيرهم ممن نالوا فرص أفضل وتربيه

أفضل واَضاعوها؟؟؟؟

هو ده محور موضوعى...

هناك شخصيات كثيره فى مجتمعنا يتصرفوا تصرفات كثيره ليس لهم يد فيها..

هم تربوا على ذلك واقتنعوا من صغرهم أنه الأصح.

وبعد ذلك

بعد تربية المجتمع والبيئه والأسره....هل يحاسب الانسان من قبل افراد المجتمع؟؟؟

أم يفترض عليهم اصلاحه؟؟؟؟؟؟؟

هل يحاااااسب؟؟؟؟

صور رحلتى لمطروح

من اسبوعين ذهبت لمطروح وكانت رحله

من أجمل الرحلات التى ذهبت اليها ... ليس فقط لروعة المنظر

وانما لاشياء اخرى كثيره...

فقط سأترككم مع الصور..

وتأملوا انتم فى خلق الله...والله لو ذهبتم مايكفيكم خمس ساعات تفكر فى هذه المناظر يوميا.
تحديث:

ركزوا فى الميه شويه هتلاقوا كل منطقه بلون وفى جزء فى النص مايل لونه للأخضر



ده أول نظره للبحر أول يوم

كان نفسى اطلع هناك على الصخره دى (واء واء) عمو مرضيش

شوفوا نحت المياه للصخره(سبحان الله)

الصخره دى كانت بعيده أوى وانا كنت واقفه على واحده زيها
والحمد لله موجه جت وقعتنى على الارض واتغرقت ميه
وكويس انى مغرقتش ووقعت تحت فى الميه.
وقتها تذكرت كلام عمى اللى قاله واحنا قاعدين على شاطىء تانى
ان ممكن موجه تيجى حالا وتغرقنا جميعا رغم اننا كنا بعيد عن الشاطىء.
فتسائلت حماس ابنة عمى .. ومشهنلحق نجرى يابابا قالها لأ.
انا كمان ملحقتش اجرى والحمد لله مكانش حد على الشاطىء غيرنا

ناس نشيطه بقى رايحين الساعه 7 صباحا.

اكتفيت بالصعود الى هنا فقط

ده البحر من النص
حلوه البحر من النص دى مش كده

وده من اليمين
الكاميرا ماخدتش كل البحر
كل منطقه فيه بشكل مختلف

شفتوا محدش هنا خالص احنا بس كنا نازلين من على السلالم

الموج اللى بيخبط فى الصخره دى ارتفاعه بيصل ل3 متر قبل مايوصل للشاطىء

ده بقى من بره والبحر على اليمين





شوفوا بقى الحاجه اللى جايه دى

الشمس والقمر فى وقت واحد الظهر